超之選20210508

由於聽日係母親節嘅關係，今次賽事就變咗星期六進行，全日一共進行十場賽事，頭場開跑時間去返一點鐘。賽事方面，始終都係季尾階段，整體水準都偏低，而且舊馬混戰場合，都要小心會連場出現意外賽果。另一方面，周俊樂今期開始亦升格，出賽時只減五磅上陣，亦意咪住佢仲有廿五場頭馬就可以成為大師傅，變相令現時仍然減七磅上陣嘅陳嘉熙稍為失色。後者今期雖然只得四匹馬上陣，但當中「都靈紅星」上仗全程蝕位都敗不脫節，今次出戰佢曾經贏過跑泥地一哩賽事兼抽到4檔，負輕磅下或可以俾到驚喜大家。