超之選20210127

大賽過後，今晚嘅谷草賽事回歸平淡，全晚將會上演九場賽事，頭場開跑時間亦會提早至六點九。今期雖然並唔係啲咩大賽，但係從呢九場賽事入面，都可以搵到「幸福老撾」同「王炸」呢兩匹都有報名出戰打吡嘅馬匹。如果單講評分，呢兩匹馬現時都仲未夠分列陣打吡，因此佢哋現時都需要交出表現，以爭取出戰打吡嘅機會。另外第八場亦係全晚水準最高嘅賽事，喺呢場二班賽入面，告東尼同呂健威都派出一對馬列陣，當中前者嘅一對參賽馬「幸福老撾」、「熱血鬥士」近況唔錯，而且操練表現理由，只不過一匹初次挑戰二班，另一匹檔位就不甚理想，到時又可唔可克服困難呢？不妨拭目而待。