超之選 20200405

今期沙田日賽，將會上演兩場二級賽：主席錦標同短途錦標。呢兩場二級賽，都可以話係月尾冠軍賽馬日嘅前哨戰，主席錦標相信都係「美麗傳承」同「夏威夷」之爭；而短途錦標相對比較難料啲，因為好幾匹短途馬都互有勝負，實力比較旗鼓相當，且看邊匹可以先聲奪人！另外，今次亦會繼續轉播日本賽事，今個星期就會上演大阪盃，「野田賢君」雖然被外界認為有一級賽實力，但係佢並未羸過一級賽，今次大阪盃有備而來，想攻下首項一級賽前，要先問過「防爆裝束」、「華格納」、「旺紫丁」同「創世駒」呢四匹當打之輩。上星期高松宮紀念賽果就令跌破眼鏡，今個星期嘅日本賽事又會唔會正路返啲呢？