【柏德烈賽馬手記】大摩靠輕功創造精彩

唔經唔覺，有「盃王」美譽嘅練馬師約翰摩亞還有一個多月就會退休，返回祖家澳洲繼續從練。在這個馬季嘅餘下時間，大摩必定精銳盡出，務求爭取好成績，甚至把握最後機會去衝擊冠軍練馬師這個榮譽。

聽日沙田跑11場，另外加上日本打吡大賽（東京優駿），以及晚上還有法國二千堅尼賽馬日，相信精彩連連，馬迷有福了！

聽日大摩出八匹，當中三匹配上獲較多減磅優惠嘅見習生上陣，當中會以角逐第七場四班2000米的「精彩千里」有較高贏面。

這匹三歲澳洲PPG，到今季季中開始向中距離賽事角逐，慢慢地開始綻放光芒，今仗配上有十磅可減嘅新晉見習生周俊樂，排好檔，以及擅放或跟前取勝，不難在此勝回一仗！

「自然力量」在上仗跑沙田1800米即能上名，再一次證明這匹出自與前馬王「雄心威龍」同系嘅PINS子嗣有長力根據，今仗增程而臨，有力威脅。

「牛精輝煌」以往跑沙田2000米都是與三甲擦身而過，不過練者護級心切，續用上仗上名、近期當旺嘅田泰安，有力打破盲門。

「尖子」上仗因為受阻及抗議得直下首度上名，證明此駒開始有進步，今仗續配薛恩，人馬合拍，提升名次有望！

獨贏及位置精選

第七場 1號 精彩千里

連贏及位置Q精選

第七場

1號 精彩千里

6號 尖子

7號 自然力量

12號 牛精輝煌

by 柏德烈

(Photo: HKJC)