超之選20210502

踏入五月，亦開始步入季尾階段，季內大賽亦都跑得七七八八，不過今期亦會上演遮打盃嘅前哨戰皇太后紀念盃。今期田草賽事就會一共跑十一場，頭場開跑時間就會提早至十二點半，因此大家都要留意下。至於全日嘅焦點相信都會落喺第七場嘅皇太后紀念身上，今年呢項三級賽參戰馬可以話係近年最多，一共有十二匹馬參戰。

有別於過去幾屆，今次都唔少參戰馬本身都已經有賽績證明，就好似「時時有餘」喺香港瓶跑入季軍，前季盟主「好好瑪」；又好似「勇猛神駒」、「勇戰神駒」咁喺外地時已經贏過2400米賽事，因此今次嘅賽果亦可作為月尾遮打盃嘅指標賽事。另外，僅敗痛失打吡嘅「將王」亦會參戰呢場賽事，而幕後亦將目標鎖定為遮打盃。「將王」喺英國時曾出戰葉森打吡，但當時因形勢不利而落第而回，今次佢就再一次出戰2400米賽事，能唔能夠憑級數同長力去擊敗眾駒，從而進軍遮打盃，亦都係眾人關注嘅事。