超之選20210317

事隔兩期冇見面，今期谷草賽事將會上演九場賽事，頭場開跑時間為六點九。賽事水準方面，今期參戰馬整體水準都偏弱，尤其三組四班1200米賽事大多參戰馬近況都只係一般，甚至乎未曾上名，令人有種海軍鬥水兵嘅感覺，當然，對手水準唔高亦對近績唔錯嘅馬而言，都係一個好好嘅贏馬機會；此外，尾場亦會上演二班1200米賽事，呢組馬唔少近績都唔錯，相信都會較有投注同思考價值。

講到全日重心馬方面，我就揀咗尾場嘅「知道必勝」。「知道必勝」今季雖然都長期處於唔錯嘅狀態，但係馬匹轉戰田草賽事就未能更進一步，亦不下一次只能交出接近走勢而未能上名。今次馬匹重回最擅長之谷草1200米，亦唔洗擔心路程根據問題。另一方面，尾場步速形勢方面，可預計「南區寶」、「鴻運飛鷹」、「艮志騰雲」都會採取領放跑法，尤其以前兩者為甚，步速相度上或會偏快，而「知道必勝」抽到5檔下亦應會守居中位置，加上馬匹今次只負113磅，形勢上對佢相當有利，亦係佢取得季內首場頭馬嘅一大機會。