超之選20210307

今期沙田日賽共跑十場賽事，頭場開跑時間係一點鐘。講到今期賽事，相信尾場嘅二班1800米將會喺全日最令人關注嘅賽事，皆因呢場賽事對於有份出戰嘅四歲馬而言，今次係佢爭取打吡入場劵嘅最後機會，當中「天駟」、「智慧神駒」、「勁力勇士」、「足金好球」、「莎皇者」如果想出戰打吡，佢哋更加係非勝不可。另外，「柏林探戈」同「倬躍錦標」一對雖然現時評分都足以出戰打吡，但若果前面五匹其中一匹能夠贏馬，佢哋最後或會同打吡失諸交臂。當然以近況而言，似乎就以「足金好球」較為突出，睇下田泰安又可唔可以幫馬匹交出頭馬啦！