超之選20210228

今期沙田賽事全日跑十場賽事，頭場開跑時間係一點鐘。大賽過後，今期賽事回歸平淡，參戰馬水準都比較平均，甚至可以以海軍鬥水兵嚟形容，即使係第三場舉行嘅二班1400米賽事，九匹參賽馬亦只有「美麗笑容」近況較佳，以水準而言似二、三班混合賽多於單純嘅二班賽。當然除咗「美麗笑容」外，呢場嘅「星運男爵」今次交由莫雷拉上陣，而呢匹紐西蘭PP喺外地稍有名氣，來港後就一再接近而未能上名，今次升班揹輕磅作賽，又可唔可以交出突破表現呢？都不妨拭目以待。