超之選20201001

踏入十月，本季第二項分級賽國慶盃亦將會喺今個賽日上演，一共有七匹馬去爭奪呢項三級賽。講到出賽馬方面，國慶盃嘅參賽馬固然唔多，同時今日都有唔少場次出馬偏少，尤其以頭五場為甚。亦都因為咁，今次亦少有地將五班賽事放喺第六場。

講到今期重心馬，我就揀到第六場嘅「龍鳳情祥」。「龍鳳情祥」過往喺四班兩勝同程，但已經有年幾未能贏馬，上季至今表現亦是一般，輾轉之下亦跌入五班。雖然馬匹落入五班後兩戰都未能上名，但呢兩次馬匹都係排大外檔起步而且都係後上不及，因此亦不能輕言「龍鳳情祥」已經退化。今次「龍鳳情祥」抽到6檔起步，相信走位上可比上兩仗主動，際遇上理應可以更好。另一方面，「龍鳳情祥」第一次贏馬時，該仗馬匹正正係除低眼罩嘅情況下出賽，今次幕後亦作出呢個安排，如果馬匹可以跑返佢本身嘅級數，係有能力可以歷史重演，並且幫薛恩打開季內勝利之門。