超之選20200208

又係一月一次週末沙田日賽，今次都係跑十場。賽事水準而言，除咗第九場二班1200米比較好睇頭之外，其餘九場一係好似冇乜懸念，一係就海軍鬥水兵。話曬係星期六，都要講聲小心意外賽果。

今次就冇賽前四連心水啦，反而想大家留意下霍利時三隻動物（「戰熊三千」、「水箭龜」、「噴火龍」）。「戰熊三千」增程失敗回師1000米，今次面對一眾初出馬，如果交出返季初時表現，都隨時有權走入一席甚至殺曬；「水箭龜」升班只負輕磅，又有莫雷拉坐鎮，若然形勢許可都有機一放到底；「噴火龍」初戴眼罩或會有新鮮感，兼且用上硬功騎師郭能，雖則唔似贏到「廣陵王」，不過串Q都要諗下佢。