【柏德烈賽馬手記】郭能延遲停賽展示常勝心

愛爾蘭騎師郭能近兩季頭馬雖然唔多，不過仍然深受馬主、練馬師支持。即使爭勝機會唔高，佢仍然會全力以赴。

IRONMAN在上個月17日因為策騎「孖寶兄弟」犯規，原本聽晚要停賽，不過此子早已卜定座騎，延至星期日停賽，好明顯係「心中有馬」吧。

聽晚郭能騎五匹，超過一半有較高贏面，小弟認為於第六場角逐四班1000米嘅「常勝心」勝算最高。

此匹四歲澳洲自購新馬，喺郭能胯下跑四次，獲亞季各一，上名率有一半。上仗只是以短距離之差敗給今仗有份角逐嘅「天天向上」蹄下，實屬輸得不值。今仗郭能續騎，排檔還算理想，有力勝回一仗！ 「南區寶」近兩仗在巴西騎師波健士接手下獲一冠一季，人馬合拍，今仗排檔比上仗好，三甲位濃。 「過河勁卒」自一月中上陣後，休息近半年，期間在從化加強操練，狀態甚佳，加上雷神續騎，拖腳要諗。 「天天向上」出道至今一直由澳洲騎師薛恩經手，跑五次，獲一冠一季，有四成上名率，可惜今仗排檔較外，止於一位。

獨贏及位置精選

第六場 4號 常勝心

連贏及位置Q精選

第六場 2號 南區寶、3號 天天向上、4號 常勝心 、6號 過河勁卒