• 競馬知舍

【穩sir筆記】宜春之星轉丁倉突飛猛進

7 月 7 日四班1200田草,「宜春之星」轉丁倉突飛猛進!


「宜春之星」最近表現大有進步。對比佢喺高伯新倉同喺丁冠豪倉嘅試閘,以前(12月4日)曾經俾四班都唔識贏嘅「同歡樂」輕鬆趕過;而家課閘(6月21日),對上「永同歡欣」「烽火四喜」「鄉村瑰寶」等等馬匹,都可以輕鬆噉㩒住,貫注到底。可見進步不少。


今場「天賜寶」「更好世界」「盈多福」「自由旺」都應該會盡量擺前,「宜春之星」大有機會咬實馬群,唔洗擔心揸7檔會被頂出3疊。


雖然有人會疑惑,睇落「宜春之星」似係分盡,唔值得揀;不過佢最近進步神速,實在有力一爭。睇返往績,佢曾經出戰5場四班1200田草賽事,當中取得2亞2季;一般而言,只有分盡嘅馬先會有咁嘅賽績。不過,佢曾經輸俾「快馬奔馳」「銀紙」「美麗滿載」「紀利雄星」,後幾隻馬全部都交到好表現;而且,佢係贏到最近贏出四班賽嘅「美麗掌聲」。可見佢進步不少,大有機會交到頭馬。


順帶一提,丁冠豪喺星期日有兩隻轉倉馬,包括「笑春風」「宜春之星」,都交由楊明綸策騎。個人較睇好後者,因為無論喺試閘表現、FORM、賠率同檔位,都較前者好。



同場對手


更好世界:勢成大熱,但第一次轉彎或有錯失;而且之前只係贏到「極速前進」,仲要加咗13磅,壓力一定大

天賜寶:表現較佳嘅泥地賽都贏唔到,稍遜嘅田草賽應該更差;而且明顯分盡

快利:明顯質高,但太遲發力;明顯1300馬,1400未必到

首飾大帝:太多缺點,休息太耐冇跑,明顯未上力

心所欲:得一段力,前速太慢未必跟得上馬群,極難追

自由旺、盈多福:似係落五班食啲級數,先有機會贏啲弱組




穩sir 6/7/2019


(Photo cap from HKJC)