• 競馬知舍

【穩sir筆記】極速駿馬一放絕塵


Photo cap from HKJC


4月10日第7場三班1200,如果冇馬鬥燒,放頭魔王「極速駿馬」定必一放絕塵!


「極速駿馬」擁有極快前速,跑谷草只要貼到1疊,輕鬆快放,應該冇咩馬夠追。睇返11月21日同1月16日兩日作賽,佢被頂出2~3疊,走規欠順;上仗被幾匹馬頂出外疊,跑得唔多順,走規明顯好差,加上嗰場放頭馬帶太快步速,最後大敗而回。但係,睇返佢獲勝嗰兩場,都係早段輕策催前,沿內欄1疊一放到底。由此可見,只要「極速駿馬」被頂出外疊,走得唔順,表現就好差;而今場冇咩快馬,佢又揸3檔,絕對有機會搶佔內欄,再次一放到底。


另外,「極速駿馬」喺最近試閘對住啱啱贏出二班田草1200嘅加洲福星,埋咗1疊,絕對不落下風,有前有後,餘勢亦有力,證明冇俾上場大敗而影響心情。佢喺4月4日拍住兩奪G1頭馬嘅「紅衣醒神」,睇落前者更佔上風,表現搶眼。只可惜佢3歲馬未夠成熟,暫時只能夠靠1疊走甩。



同場對手


「勇闖者」同「帆哥兒」都係由大師傅騎,可能大家會有更大期望。


勇闖者:評分明顯冇咩優勢,疑點太多。被動,之前有缺課,唔值博。最近有1場跑第4,但個人唔認為前面返嚟嘅馬特別勁,都係同一堆三班馬差唔多而回


帆哥兒:被動。上場明顯有機會贏,但2次同田草1000弱旅跑都贏唔到,對手實力又唔高;今場加咗分會比較難受


人民武士:谷草不合


紅星、越感:被動,衝一段


鑽得勁:評分高位


其他馬:冇咩特別



投注策略


「極速駿馬」可拖「紅星」「越感」,主要因為後兩者檔位較好,有啲級數,只係差在被動




穩sir 9/4/2019

Photo cap from HKJC.