• 競馬知舍

【穩sir筆記】旅遊首席泥地特佳

4月3日第5場四班1650泥地,「旅遊首席」跑法主動、贏盡級數,可謂泥地超級馬!


「旅遊首席」跑泥地嘅表現唔錯。根據往績,佢曾經出戰18場泥地賽,當中3冠1亞2季;而且歷季成績中嘅3場頭馬,均喺泥地賽取得。佢喺谷草嘅賽績比較差,好似上場快放,自己燒死自己;另一面睇,可能目的係為咗鋪排今場去馬。


而家跑1650賽事,個人唯一擔心嘅係步速過快;不過今場快過「旅遊首席」嘅馬應該唔多,估計都係中等步速。只要佢有正常發揮,好大機會坐亞望冠。



主要對手


安賦:佢喺外地賽事嘅成績唔錯,由其喺膠泥地(tapeta/polytrack)有唔錯表現,相信喺香港泥地賽都有一定實力。再者,佢已經上咗力,喺最近試閘嘅水準唔低,末段都跑得唔錯。今場揸5檔,跑得開心都有機會贏,不過佢唔太忠心,表現亦比較飄忽。

架勢:個人估計會好多人賭佢。除咗騎練組合成日有好表現,「架勢」本身跑泥地都有一定實力;上季佢曾經喺泥地賽取得3場頭馬。可能因為上季博得太盡,所以今季表現都係一般,走得近但冇咩威脅。個人認為佢已經走下坡;四班1650泥地強手唔多,如果有能力贏就一早贏咗。


投資策略


可試「旅遊首席」WP,或膽拖「安賦」「架勢」


穩sir 2/4/2019

Photo: HKJC