• 競馬知舍

【穩sir筆記】地大大轉戰泥地 適性特佳


Photo cap from HKJC.


3月10號第7場四班1200泥地賽,「地大大」質素超班,愈跑愈入局。


「地大大」泥地特佳。睇返海外往績,佢曾經贏出兩場膠泥地賽事;而且,羅富全手中有實力嘅泥地馬,通常都係喺海外膠泥地賽(polytrack/tapeta)有所表現,包括「逍遙自在」、「都靈紅星」。今季「地大大」跑咗七場都係草地;今場轉戰泥地,值得期待。


睇返2月26號試閘,「地大大」非常輕鬆噉擺前走去,就算騎師冇咩郁手都一放而回;明顯係順其自然噉加速,唔係搶口或者新鮮感促使。


「地大大」落到四班開始入局,喺今場四班弱組賽事絕對係佔上風。



主要對手


快利:神經質,習慣性唔忠心;雖然喺四班算係好有質素,但係喺上季都要等到超弱組先贏。佢少跑泥,性能仲要觀察,可能食泥食得唔開心就唔肯跑

銀紙:久休復出,有備而來。個人一早覺得佢幾超,休養咁耐又有質素嘅馬,通常有大把分喺手;不過佢今場跑外檔,自從上年贏咗場田草距今一年有多先出賽,因此需要觀察,如果贏到可以長追

勇冠多:最多拖腳。而家冇咗新鮮感,應該係好事,因為冇咁易燒死自己。對弱組都有機會贏

神州威龍:基本四班實力,可能落班更好

超然、大龍騰:被動馬,落五班對住唔識跑嘅馬就特佳



穩sir 9/3/2019

Photo cap from HKJC.