• 競馬知舍

【穩sir筆記】糖黐豆中段變奏




3月6日頭場五班1800,估計對手唔強,加上冇咩步速;「糖黐豆」可能中段發力走甩!


喺五班賽事,個人通常會揀一啲有贏過嘅馬;始終識贏嘅馬會佔更大優勢,而唔識贏嘅就好難會贏。睇返往績,「糖黐豆」嘅勝率有近10%(今組最高),而贏出8場當中有5場係谷草1800,可算係路有專長,經驗十足。


今場估計冇咩步速,正正適合「糖黐豆」嘅跑法。「糖黐豆」擅長喺慢步速變奏,而且衝刺路程長;只要今場喺慢步速底下,離600米左右變奏發力衝一段,基本上冇邊隻馬跟得上。


雖然「糖黐豆」係8歲老馬,亦開始老退,但個人認為佢嘅表現一直都冇咩大上落;相反,嚟到呢個年紀,都一定會跑盡佢。


如果今場有慢步速,佢可以話係贏面最高,可以捧佢WP;另外,只要唔用莫雷拉,佢喺賠率上通常都有分頭,可算係最值博。



主要對手


萬里威揚:增程似乎都差唔多,就算搵見習生都發揮唔到強勢

奇妙星光:雖然係超班,但丁冠豪爆倉就唔要,好難搞;轉倉功夫唔強,大閘走勢又冇季初咁強

飛雲寶:傷患未好,仲未回勇

小奇妙:自從3季前贏完一場1600,之後幾季都冇出頭;曾經以為佢好超,但減分減到五班尾都冇出頭,最多拖



穩sir 5/3/2019

Photo: Ramos