• 競馬知舍

【穩sir筆記】怡德食盡級數




2月27日頭場五班1650,「怡德」路有專長,食盡級數!


個人覺得「怡德」喺五班一早已經要贏。雖然佢已經八歲,過咗黃金期,但係對住五班弱組,仍然有勝算。睇返賽績,佢喺上季跑三班都可以入位,而早幾場亦都係五班賽事跑出。雖然今場對手比之次贏五班嗰場更強,但係仍然有力一爭。


今場「怡德」落班跑,揸住一檔,應該食到級數同檔利。練馬師霍利時係一個keep馬專家,經常保持馬匹水平,唔會將評分大幅提升;只要手中有表現嘅馬轉好檔,通常都有好表現。


主要對手


君子承諾:雖然揸六檔好難埋一疊,不過應該都會穩入三甲。似乎有啲回落,頂多只夠喺四班,好fit又搵到好位先贏。今場用得潘頓,賠率應該偏熱,所以可以攻擊

祥光普照:比較被動,負重磅去追馬實在有難度。由莫雷拉策騎,隻馬只係試過喺四班超弱組輕磅入過位;今場賠率應該唔太好分,所以都係要攻擊

葵涌老友:等有好騎師先再考慮。個人一直都認為佢喺五班略超,但都要靠潘頓騎功搭夠先贏到。今場用到黃俊,排外檔,似乎都係不利,甚至乎連頭四都冇

其他馬:好多馬一係老退,一係未入局;勝算唔高,個人自然揀唔上手



穩sir 25/2/2019

Photo: Ramos