• 競馬知舍

【穩sir筆記】龍騰摘星力戰勝得精彩




2月20日第4場四班1200谷草,「龍騰摘星」有力挑戰蔡約翰超班馬「勝得精彩」。


黃金一檔 跑法主動


今場「龍騰摘星」跑黃金一檔,加上有見習生黃俊減磅唔需要負133磅,十分着數。只要主動順走,就算對手埋嚟,都能夠先佔有利位置。


幾乎全部要升分嘅馬都喺季初上晒分,因此而家大多數都係弱組賽事。後追馬已經消耗大量體力,贏唔到始終贏唔到;相對嚟講,跑法主動嘅馬會有更大體力優勢。就好似1月30日賽事,黃俊就靠減磅優勢,騎得主動,取得4勝,可以話食正形勢。


自從「龍騰摘星」喺10月贏馬,隨後3次出賽都負133磅,跑外檔;因此喺賽事入面,佢都好難喺初段發力,只可以留住衝一段。不過呢種跑法未必有利;佢曾經喺外國取得2勝,均採用主動跑法。今場跑一檔,又有減磅,佢應該可以跑得主動。


個人估計練馬師苗禮德係睇準今場去馬;又拍閘又試閘,操練功夫足。



主要對手


勝得精彩:唔少人睇見佢初出即贏谷草1200,又係蔡約翰嘅馬,而覺得佢仲有大把喺手,今場跑返同程應該勝券在握。個人極不認同。儘管上場贏馬時間唔差,又係路程專家;今場佢都好難喺3歲負133重磅可以贏出。雖然大多數能夠贏出嘅,都係蔡約翰手中有大把喺手嘅馬;不過勝得精彩大概只能夠發揮到六成水準,上場都要力騎先贏到老退嘅「富萬家」。喺投注方面,佢係必然熱門,但似乎又唔夠穩。


猴王駒(外檔不利)、陽明亮亮(表現飄忽)、真跑得(外檔不利):路有專長,但係明顯評分已盡;咁耐都贏唔到,已經冇咩藉口辯解,只好向下望。


其他馬都不值一提。



穩sir 19/2/2019

Photo: Happy Wednesday/HKJC