• 競馬知舍

【狼大師論馬】轉數高大熟大勇 誠意十足

第8場三班1650谷草


睇返賽績,「轉數高」喺18/19年馬季802場次,中段變奏大勝7個馬位,表現非常亮眼!跑谷草1650嘅馬,最好有長沖程能力,先可以抵抗到快慢步速,令騎師喺控制上更得心應手。嗰場已經證明咗佢嘅實力,亦都展示出800米超強嘅沖刺能力。


「轉數高」喺10月7號一課快操;就算落住雨,腳法都幾開朗,幾肯走,理應大熟大勇之時。佢上場報咗谷草1200,雖然不合路程腳法,但都喺慢步速之下追近,餘勢唔錯。而最近10月11號試閘,佢表現得快慢由人,一㩒住就可以保持速度,終點後餘勢極好,迅速扑前,證明狀態無低落。


今場對手實力平庸,我認為「轉數高」可以輕鬆沖過!



同場對手

有備而來:幾均速嘅馬。用見習生減10磅,我估都係想放頭多。睇下佢走甩幾多馬啦,希望見習生最後幾步都騎得起

長長友:個口十分敏感,就算用潘頓都成日捉唔住。我相信評分略高,換薜恩唔會更好

水火風、陽明高高、明月光:邊線馬,但都未熱過身,相信未開氣應該比較差

雷公鑿:一定要放。希望可以養返強壯少少;接近60分,可能都係等降班

路路通、快利寶:沖程比較短。如果要喺三班嬴馬,我認為要跑到一絕



狼大師 15/10/2019


(Photo: Ramos)