• 競馬知舍

【狼大師論馬】加州明雋前速最快 一放到底

第4場四班田草1600


預計今場步速唔會太快,如無意外,「 加州明雋 」應該可以再次放頭走甩!


上場告東尼除咗「 加州明雋 」眼罩,令我覺得有啲疑惑。雖然上場係極慢步速,隻馬唔洗點推都可以擺前,但係我仲係擔心佢唔夠集中力帶頭。佢喺未段跑出22秒內嘅成績,非常耀眼;就算今場負磅又加咗7分,都仲有力一戰!


晨操方面,「 加州明雋 」同之前都差唔多,開步幾闊幾爽朗。


以「 加州明雋 」暫時嘅狀態,只要遇唔到超班嘅對手,都可以再放再贏。今場只有兩隻馬(數糊勇士、快閃的)都算係有啲機會挑戰佢。



同場對手

數糊勇士:四班都叫贏過兩場,三班同程都近,不過佢都係贏一啲唔係咁識贏嘅馬,加上潘頓一流嘅發揮先贏。上仗都追唔到,力短;除非有好大進步,否則四班只可以長拖

快閃的:基本上,佢贏/近嘅賽事都係慢步速,而佢可以600發力,衝過一埋冇咩分喺手嘅馬。睇谷閘,佢嘅狀態唔差,未十足fit,只可拖腳

錶之皇者:啱跑谷草,變奏突圍。就算今場田草用莫雷拉,我都冇咩信心,加上佢又轉咗去較弱勢嘅馬房,應該要減減分先

喜盈運、活力寶駒、港林福星:極被動,似熱身

捉金皇:評分就盡,冇進步就冇用。上場佢未入局又冇進步,但係一用莫雷拉就大熱;今場就算用潘頓,我都唔抱太大期望



狼大師 30/9/2019


(Photo: HKJC)