• 競馬知舍

【狼大師論馬】極爽極爽 一放到底

第3場四班田草1200

自從上季4月24號賽事(606場),我已經開始留意「極爽」。「極爽」嗰日行圈極大汗,似乎非常緊張;不過佢喺咁嘅狀態下都可以放出,爭到第3,實在唔錯。同場佔先嘅「天地人」,之後都打疊再贏;「獎進」其後亦都補中。

「極爽」喺第677場俾「太陽戰馬」頂死喺2疊位,但都可以力壓「君子精神」,贏個馬鼻。同場第4嘅「盈多福」喺田草1200補中,而第5嘅「開心有你」都喺同班同程補中。呢組馬都非常惡,「極爽」跑贏喺一個有力嘅實力證明!

「極爽」喺今次試閘表演非常放鬆,㩒住跑都可以保持第2,夠晒聽話;就算俾人過頭都保持勁勢,亦冇咗緊張感。最近晨操,佢嘅形態都越嚟越柔,亦都十分貫注,表現正面。

雖然今場有唔少快馬(「富萬家」「幸運飛駒」「太陽戰馬」「快樂歡騰」),但我認為「極爽」可以埋到1疊放,預計會輕鬆走甩;就算真係太快,都可以留住追。只要佢頂到「富萬家」一陣,就可以大大削弱後者戰鬥力;「勇者勝」「肥仔」有級數,但檔位不利。


同場對手

超級無敵:有少少進步,希望1檔幫到佢。正常揸其他檔就P都無可能 富萬家:雖然「極爽」照計唔會比佢埋,但如果埋到放頭就叫糊,唔係一比人頂應該就玩完 太陽戰馬:都係要放,試閘睇到貫注力好少少。第一場就1200,驚集中唔到 喜勝駒:我就覺得佢應該幾好成就,只係唔知點解搞搞下,隻馬無咩衝勢。試閘還可以,仲有綁繫舌帶可能有變數 出奇寶:有啲進步,都係觀望,試閘無咩特別 幸運飛駒:40分又唔跑五班。本來報上星期三四班谷草1650,唔明諗咩,我都失望咗幾耐。個人覺得五班幾好跑 快樂歡騰:轉倉,試閘無慢閘,但真跑唔知點,狀態又唔算好 勇者勝:有一定級數。呢類馬走規真係唔太好,要嬴馬一定係好檔,擺前走,過啲唔識嬴嘅放頭馬 西夏之王:根本未入過局 富祿:呢個檔唔知點跑,我建議觀望。晨操就不嬲勁,可能真係要柔啲、識留力比較好 肥仔:本來要防,但呢個檔局縮後,應該影響好大。觀望


狼大師 24/9/2019


(Photo: SCMP)