• 競馬知舍

【狼大師論馬】鵰神收放自如 四班難留

第2場四班1650泥


睇返賽績,「鵰神」喺18/19馬季第552場,已經證明咗實力。嗰場佢輸俾「上浦福滿」同「旅遊首席」,距離頭馬3/4個馬位;前者喺賽後接連贏出2場四班賽,後者其後更加喺三班1800谷草爆冷而回。呢場賽事質素非常高,就連跑第4嘅「架勢」,都可以喺同班同程贏馬。「鵰神」同頭兩隻馬齊齊拋離對手,就算得第3都唔失禮!


喺呢場之後,「鵰神」嘅貫注力有所提升,隨後轉到丁冠豪倉。轉倉之後,佢一課閘都冇試,休息近三個月先再出賽。喺18/19馬季第773場,佢擺前控制步速,快慢由人,可以話係用都未用就拋開對手,輕鬆取勝!可見佢嘅能力又更進一步。


最近9月6日試閘係「鵰神」轉丁倉後第一次試閘。以住「鵰神」試閘,睇起嚟都極好走勢;不過亦有可能係騎師留唔到力,一口氣咬死晒。今次試閘就唔同,史卓豐控制得唔錯,隻馬明顯識得留力,快慢由人,正正係大幅進步嘅關鍵!


預計今場冇咩步速,對手又多被動馬,「鵰神」應該可以一放到底;如果有馬燒,佢都識得留力,等到時候再衝。



同場對手

好腳頭:狀態不過不失,不過1檔可能令佢走唔到生位(被動),加上重磅難沖,而家都難欺負弱旅

金剛仔:明顯老退,但級數惡,評分有微利。始終用莫雷拉,有過熱之嫌!

龍騰摘星:明顯增程係好,但第一場就跑1650,只係怕佢唔到,同時佢比較難出頭

跑得威:喺五班,潘頓出盡法寶賺晒先啱啱嬴!呢場對手增強極多,又轉用巫顯東,極不看好

喜盈運:狀態還好,不過被動,加速力慢。呢類馬最多拖腳

安賦:睇試閘,狀態唔算好;如果狀態好,方嘉柏都應該唔洗佢試閘

如沐春風:幾被動,五班跑啱晒形勢先嬴少少

放馬過來:慢慢老退,難騎;唔用大師傅就唔洗睇太注意



狼大師 14/9/2019


(Photo: SCMP)