Ryan 重心場次分析 2020/05/20

醉醒神配潘頓大打身價波勢可出頭

以戰養戰人強馬勇集天時地利人和

童話路合強配鎖定目標估惑味濃厚

君達星成熟進步抖夠體力主攻強項

大家好，我係本編主筆Ryan為大家提供重心場次重槌攻略，多謝各位讀者繼續參閲！

5月20日 跑馬地快活谷草地夜賽

採用C +3欄C+6彎跑道，跑道彎位空間狹窄，彎位急促而銳利，雖然直路短大利放頭前置馬匹，但賽道考驗馬匹場地性能，預計場地有偏差，不過仍有少量馬匹憑場地經驗可以後上爭雄，後上馬要克服跑道形勢及狀態問題其實絶不容易，所以出閘反應成為爭勝關鍵

重心場次重槌攻略：

第二場 四班 草地 1800米

總結重槌攻略心水：馬匹長期大勇，谷草千八首本路程，終找潘頓誓要贏馬交代，跑法靈活機動，爆發力強勁，排中檔形勢大利，如果能夠順利出閘，機會屬於接近贏梗的馬匹，全日鋼膽可作過關變倍器 9 醉醒神 膽，亦可單棍連贏及位置連贏拖 1 共創歡樂，配腳選擇揀 4 精彩飛動 及 7 赤火神龍

第三場 三班 草地 1000米

總結重槌攻略心水：越跑越進步，四歲仔踏入大熟大勇之期，本身有點前速可緊守有利位置爭勝，人好馬勇檔好集所有天時地利人和於一身，屬於馬匹出頭黃金機會，同場快馬甚多有利後上追趕，機會壓一勝望甚濃 3 以戰養戰 膽，單棍連贏及位置連贏拖 9 萬眾之力，配腳選擇揀 2 帖木兒 同 6 好甜橙

第七場 三班 草地 1650米

總結重槌攻略心水：今季長期保持勇銳，谷草演出準繩可靠，強配潘頓期求用騎功留放攻堅，乘勇態用盡無保留，排中外檔可以施展中段變奏制敵，而且予人評分見頂質疑，定可換來好分賠率值得冷門選擇 6 童話 膽，單棍連贏及位置連贏拖 1 盛大光輝，配腳選擇揀 3 綠色勇駿 及 7 勇敢皇者

第九場 二班 草地 1200米

總結重槌攻略心水：小心部署主攻谷草千二，戰意高昂目標明確，馬匹成熟進步，疆口改善不再需要單騎領放，前快後快速度飛快，久休特佳體力充沛，拼博有度勇況未減，單一線路清晰不需估計，信潘頓正路發揮取 1 君達星 膽，單棍連贏及位置連贏拖 5 弛曜風，配腳選擇揀 2 明駿之星 及 9 帆哥兒

筆者希望各位馬迷參考了上述資料後，可以在競馬知舍Ryan 重心場次分析給予like以作鼓勵，多謝各位繼續支持

Ryan (Photo: Ramos)