• 競馬知舍

Ryan 重心場次分析 2020/09/23

木火同明喜逢弱旅熱身後華麗轉身

活力寶駒狀態大勇排靚檔再動殺機

帆哥兒賺盡快步速形勢憑級數橫掃

公証福將健康全面康復後上施冷箭


大家好,我係本編主筆Ryan為大家提供重心場次重槌攻略,多謝各位讀者繼續參閲!


9月23日 跑馬地快活谷草地夜賽


採用C +3欄C+6彎跑道,跑道彎位空間狹窄,彎位急促而銳利,雖然直路短大利放頭前置馬匹,但賽道考驗馬匹場地性能,預計場地有偏差,不過仍有少量馬匹憑場地經驗可以後上爭雄,而且由於近日連番下大雨,較後場次相對場地偏軟,有利後上馬發揮,所以出閘反應成為爭勝關鍵


今次賽日多場形勢非常緊湊,人馬配搭錯中複雜非常混亂,預期賽果將會出現冷門情況,投注時必須謹慎,或小試博冷馬可能會帶來驚喜收獲


重心場次重槌攻略:


第二場 四班 草地 1200米


總結重槌攻略心水:7「木火同明」上季尾勤拼下演出失望,馬匹本身以千二米成績最好,跑法機動靈活多變,上仗小試牛刀表現不過不失,經過熱身後預計狀態會有所提升,雖然排了大外檔,但同場對手快馬偏少,如早段盡搶有力貼欄領放,至此形勢將會有利,以及有好賠率回報,值得冷門博彩一試


7「木火同明」作冷門馬膽,亦可單棍連贏及位置連贏拖12「陽明亮亮」,配腳選擇揀5「電訊火箭」及6「金糠」


第五場 四班 草地 1800米


總結重槌攻略心水:11「活力寶駒」近期狀態非常勇銳,上仗終能打開勝利之門,演出悅目姿態出色,可見馬匹戰鬥情緒澎湃,而且曾經在同班同程走入前四,足證能力必定足夠,負輕磅潘頓未能做磅而換上徒弟可帶來好分賠率,馬房騎練鬥志堅定,有力挑戰頭馬資格


11「活力寶駒」首選馬膽可買獨贏選擇,另外單棍連贏及位置連贏拖5「醉醒神」,三重彩配腳選擇揀用1「紅麗舍」及6「美麗天使」


第七場 三班 草地 1200米


總結重槌攻略心水:3「帆哥兒」上季中在二班經常輸得接近,戰鬥力絕不失禮,由於跑法比較被動,以致多次後追不及,現時評分下跌至三班水平,質素同能力級數明顯傲視同場,而且今場快放馬甚多,預期將會有利後上馬追趕,隔晚飛數冷落對薜恩而言是不錯選擇


3「帆哥兒」重用贏馬拍檔薜恩定可換來好分賠率小試冷門馬膽選擇,單棍連贏及位置連贏拖4「美麗躍動」,配腳選擇揀1「加州得迅」同2「精彩勇士」


第八場 二班 草地 1000米


總結重槌攻略心水:8「公証福將」上季尾連續交出頭馬,健康全面回復正常,而且狀態保持相當不俗,末段後非常強勁,偏軟場地性能特佳,同場快馬極多會出現快步速形勢,排中檔有力在外疊後上衝刺,如果臨場有天雨影響更添值博價值


8「公証福將」偏門巨型冷門馬膽可小注獨贏及位置一博,亦可單棍連贏及位置連贏拖7「加州雷電」,配腳選擇取3「大紅包」及5「美麗掌聲」


筆者希望各位馬迷參考了上述資料後,可以在競馬知舍Ryan 重心場次分析給予like 以作鼓勵,多謝各位繼續支持


By Ryan


(Photo: HKJC)