【柏德烈賽馬手記】六爺開齋。創造幸運傳奇

「六爺」羅富全今季暫時出馬五匹零上名，其部署同冠軍練馬師蔡約翰在過往幾季有相似地方，比較傾向慢熱。不過，作為其中一位有能力角逐冠軍練馬師名銜嘅練者，當然不敢落後吧。

今次「六爺」出五匹，以首次上三班負輕磅角逐第八場三班草地1200米賽事的「幸運傳奇」勝望最高。

這匹出自「遙遠星空」嘅4歲澳洲PPG，上季出道跑6次獲2冠2季，上名率超過六成，演出甚準，今仗季內初出初上三班，負輕磅，續配贏馬拍檔田泰安，排好檔，有力替「六爺」開齋！

同「幸運傳奇」同父嘅「顯心星」，上季跑三仗獲一冠一亞一殿，全入前四名，若進度良好，今季有望角逐今季四歲馬系列賽，今仗續配莫雷拉，三甲之選。

「輝煌芯」上季為韋達馬房其中一匹潛質新星，出道五仗四勝，仍續留三班，續用巴度，雖負重磅，仍可爭一位。

「巡航導彈」上季有復甦跡象，雖僅獲2次季軍，不過此駒前季出賽2次獲1冠1亞，在三班仍有一定競爭力，今仗續用有十磅減的見習生周俊樂，可爭冷腳。

獨贏及位置精選

第八場

11號 幸運傳奇

連贏及位置Q精選

第八場

11號 幸運傳奇

拖

1號 輝煌芯

5號 巡航導彈

6號 顯心星

by 柏德烈

(Photo: HKDN Racing)