• 競馬知舍

【柏德烈賽馬手記】友盈有款為希斯省招牌

各位朋友,大家好!「柏德烈賽馬手記」重新包裝,在新馬季再見大家,請各位多多指教!


新馬季,新人事,新作風,相信最矚目嘅人事變動,莫過於「盃王」大摩退休,返回祖家澳洲繼續從練,而曾在香港開倉嘅另一位澳洲著名練馬師大衛希斯,在今個馬季載譽歸來,重新在香港出發!


今次開鑼日賽事,大衛希斯出五匹,首匹上陣就係角逐第二場五班1200米賽事嘅「友盈有款」。


此匹6歲澳洲自購馬,在港服役三季,出賽22次,只獲2次季軍,無獨有偶,兩次上名途程都係草地1200米,如今此駒評分創歷史新低,希斯接手後操練積極,重配為此駒首次上名嘅本地騎師楊明綸,負輕磅,有力替練者重溫1995年在港首匹出賽馬「讚揚」即能取得首勝這個好夢!


「明月昇輝」上季作為韋達馬房首匹出賽馬就能為練者取得首WIN兼打開其在港首勝,意義重大,如今練者有意重溫好夢,強配田泰安,最佳配腳。


「漸信龍駒」上季配見習生陳嘉熙跑四仗獲一亞一季,有5成上名率,人馬合拍,今仗續配此子,排得1檔,雖為馬房第三選,亦不可忽視。


「皇家魅力」過往三季都在蘇偉賢訓練下上陣,跑27仗只獲4亞4季,評分創新低,今仗轉至苗禮德馬房初出,初配巴度,期望有新鮮感及驚喜。



獨贏及位置精選

第二場

11號 友盈有款


連贏及位置Q精選

第二場

11號 友盈有款

1號 明月昇輝

8號 皇家魅力

12號 漸信龍駒



by 柏德烈


(Photo: HKJC)