• 競馬知舍

【柏德烈賽馬手記】駿爵士反先有望

今個馬季開始進入煞科倒數階段,好多騎師及練馬師都施展渾身解數,務求為自己爭取佳績。


聽晚跑馬地夜馬繼續跑9場,場場都出足12匹,小弟今次重心放在第五場四班1000米,無獨有偶,上次同班同程鬥到難分難解嘅「南區寶」同「駿爵士」都會在此場碰頭。「南區寶」上仗影相險勝,今次小弟認為「駿爵士」今仗有力反先。


這匹2019年3月國際馬匹拍賣會出品嘅4歲澳洲馬,頭五仗表現一般,唔算好突出,直到上仗回配史卓豐胯下就能交出強勁走勢,只是影相僅敗於今仗再同場的「南區寶」,實屬不值,今仗續用輕磅,續用史卓豐,排好檔,反先有望。


「南區寶」連同上仗跑三次谷草1000米獲兩冠1季全上名,演出甚準,今仗續跑四班,負磅同上仗相若,三甲仍穩。


「嘭嘭聲」由何良轉至容天鵬跑兩仗獲一季一殿全入前四名,成績持續向好,今仗潘頓揀騎,拖腳要諗。


「過河勁卒」上仗久休復出跑同程獲一席第四,證明其在四班有一定實力,今仗續配雷神,有望提升名次。



獨贏及位置精選

第五場 9號 駿爵士


連贏及位置Q精選

第五場

1號 南區寶

4號 嘭嘭聲

8號 過河勁卒

9號 駿爵士



by 柏德烈


(Photo: HKJC)

107 次瀏覽0 則留言