• 競馬知舍

【柏德烈賽馬手記】開心好玩故技重施

一年一度的莎莎婦女銀袋日將於11月3日隆重上演,身為主人家的莎莎老闆郭少明先生當然會派出自己及家人的名下賽駒在該賽事日出賽,能夠贏馬而回就更加好吧。只可惜,在上季的賽事日,「美麗」系在當日只有兩匹出賽,惜無功而回,今季「美麗」系有三匹馬上陣,希望主人家能夠贏馬而回吧。


今季賽道同上季一樣,採用C+3欄,此賽道素來以貼欄領放馬較為著數,投注方向亦可以從這個方向入手。


全日重心賽事,就放在第十場二班1600米賽事,贏面最大的,應該就係今季以一放到底的姿態勝出C+3欄1400米的「開心好玩」。


這匹「達先寶馬」子嗣,出道至今跑了8次,獲2冠2亞,上名率有五成,當中今年9月15日的沙田草地1400米賽事,在C+3欄作賽下,以一放到底姿態掄元,同場的「一見傾心」及「勤德兼備」都剛剛在星期三贏馬補中而回,證明該場賽事水準頗高。今次加程跑1600米,排2檔,換上擅跑領放的十磅見習生陳嘉熙,相信可以故技重施,貼欄一放到底,再下一城!


配腳方面,首推今季做出跨季連捷,初跑1600米即勝的「幸福笑容」,此匹3歲英國自購馬,只跑了五仗,就已經取得兩場頭馬,今季新勝同程,雖然排了一個不利的12檔,不過續用田泰安,外疊前置守好位下,有力拼入一席。


「安采」來港前在澳洲勝出兩場二級賽,名氣之大可想而知,這匹「一錘定音」子嗣到港後操好試好兩課閘才正式上陣,雖然草地1600米略為嫌短,不過潘頓揀佢跑,三甲都要預埋佢。


「星運明爵」上仗在港初出跑草地1400米,即跑獲第三名,來港前在紐西蘭勝出1400米三級賽,如今增程跑1600米,如繼續用上仗前置跑法,再跑入前列絕非難事。



獨贏及位置精選

第十場 9號 開心好玩


連贏及位置Q精選

第十場

4號 安采

7號 星運明爵

9號 開心好玩

10號 幸福笑容



By: 柏德烈


(Photo: HKJC)