• 競馬知舍

【柏德烈賽馬手記】二郎路合磅輕 難阻升勢

今個馬季原本有一次谷草日馬,但近日社會運動事件影響,最終改為跑回沙田日馬,九場賽事全部都是跑泥地,到時會是連場爆冷,或是紅盤全開,都要睇睇頭場賽事的步速形勢才能預計得到了。


今次沙田全泥日賽跑九場,暫定掛牌「好地」,近日天氣乾燥,雨水甚少的情況下,場地有可能變得很乾快,對擅跑泥地、領放及中內檔馬匹較為有利,投注方向亦可從這個方向入手。


全日的重心場次,就放在第四場二班1650米廣東讓賽盃,出賽馬九匹,結合同程成績、跑法、檔位、騎練合作各項因素支持下,以初次上二班作賽的摩家軍「二郎」最有冠軍相。


此匹「信可成真」子嗣,出道至今已跑過9次,除了初出的草地1200米及季尾的1600米外,其他都能夠跑入獎金名次,當中佢在泥地1650米的表現更加非常出色,跑4次獲3冠1亞,演出非常準繩,加上換上了今季替摩家軍兩度建功的利敬國,排好檔,負輕磅,相信佢嘅升勢都難以阻擋,再勝一場而回!


配腳方面,首推跑三次泥地1650米全入Q的「精算閃擊」,此匹5歲愛爾蘭自購馬,亦是此路程演出準繩的一匹佳駟,場地更加有利佢的跑法,不二之選。


「綫路光輝」出道至今只跑過泥地兩次,不過兩次都是跑1650米,獲1亞1季,亦是演出甚準之馬,今次用番騎功漸漸成熟的巫顯東,三甲分子。


「烽煙四喜」上季只跑了六次,獲4冠1季1殿,當中5次跑泥地1650米,取得4場頭馬,顯示路有專長,今仗續用人馬合作2次獲1冠1亞的莫雷拉,可惜負磅太重,只好作配。



獨贏及位置精選

第四場 7號 二郎


連贏及位置Q精選 (四隻馬互串)

第四場

1號 烽煙四喜

5號 精算閃擊

6號 綫路光輝

7號 二郎



By: 柏德烈


(Photo: Ramos)