• 競馬知舍

【柏德烈賽馬手記】忠心勇士二班難留

今個馬季剛剛完成首月賽事,練馬師只有賀賢及霍利時未開齋,不過一如小弟上回所言,兩位應該短時間內都可以打開今季在港首勝!


聽日十一國慶賽馬日,雖然還未知道會不會因爲最近的社會運動影響而取消賽事,不過今季首兩項分級賽-國際三級賽1000米的國慶盃及國際三級賽1400米的慶典盃亦會於聽日揭開序幕,相信精彩可期!


全日賽事重心,小弟今次放在第十場二班1200米賽事,贏面最大的,當然是今季轉三歲,上季兩歲三出全勝的摩家軍新力軍「忠心勇士」!


這匹出自澳洲著名父系SEBRING的子嗣,上季尾兩歲頭兩場新馬賽分別跑1000米及1200米,都能夠以輕鬆姿態勝出,已經證明佢的前途無可限量,及後第三仗評75分插三班跑1200米,亦能夠克服外檔及面對一眾年長對手,輕鬆掄元!暑假評磅員將佢的評分更加推高至89分,插二班作賽,今次繼續跑1200米,用上冠軍騎師潘頓,排位理想,相信面對一眾比上仗更強的年長對手,應該不成問題,二班恐怕難留!


配腳方面,首推兩戰1200米都能入Q的「載譽歸來」,這匹「智能導彈」子嗣出道至今除了一場谷草1650米跑第四外,其他賽事非冠即亞,今次換上莫雷拉,排一檔,有力拼入一席。


「美麗滿紛」原本於9月18日跑馬地夜賽初出,可惜賽事取消,這匹「戰盔」子嗣的同父馬近兩季成績優異,加上佢本身海外賽績亮麗,以及負磅比原先初出那場為輕,縱使對手比原先那場較強,仍可有力一爭!


摩廄另一匹3歲愛爾蘭自購馬「春花秋月」,上季初出三班1200米即以輕鬆姿態掄元,令人眼前一亮,不過及後因負磅太重,未能表現出水準,今季初出上二班,即負輕磅,不過唔好因爲騎師換上梁家俊而看輕佢的實力!



獨贏及位置精選

第十場 4號 忠心勇士



連贏及位置Q精選

第十場 4號 忠心勇士 拖

7號 載譽歸來

8號 春花秋月

9號 美麗滿紛



By: 柏德烈


(Photo: Ramos)