• 競馬知舍

【柏德烈賽馬手記】興爾開竅好開就好

唔經唔覺,今個馬季就快完成首月賽事,雖然還有三位練馬師仍然未開齋,不過,小弟相信不出兩三個回合,佢地都可以打開勝利之門。


今季谷草賽事只跑過一次,今次還要跑9場,好多馬迷因此而大傷腦筋,不過,要搵谷草頭馬,喺今次賽事,應該也不難找到。


今季新開倉的練馬師韋達,開鑼至今已取得三場頭馬,成績符合預期,該三場頭馬都是上手練馬師找不到他們的贏馬方法,一到韋廄都開竅了。星期三谷草夜賽,韋廄兩匹王牌馬都是今季新勝馬「明月昇輝」及「興爾」,以路程根據、排檔及跑法三大因素衡量,以「興爾」連捷機會較高。


這匹「范高爾」子嗣,服役初期都是跑沙田為主,全部不入三甲,直至今年3月,上手練馬師蘇保羅決定變招,畀佢到谷草試試,結果首次跑谷草1650米,即跑入一席第三,到今季韋達接手,即安排佢跑同程,喺改變跑法的情況下贏馬而回。「興爾」服役至今,跑谷草1650米7次,獲1冠2亞1季,上名率近6成。韋達今季打王牌馬有9匹,獲3冠1亞1季,上名率有5成半,而騎師沈拿同韋達合作9次,獲2冠1亞,上名率有3成多,有齊三項有利數據,以及有好檔的加持下,「興爾」有力再下一城!



獨贏及位置精選


第八場 5號 興爾



By: 柏德烈


(Photo: HKJC)