• 競馬知舍

【柏德烈賽馬手記】何良開齋靠雷神做天地人

今個馬季已經完成了四個回合,只是仲有三位練馬師未開齋,就係何良、霍利時和賀賢。


三位練馬師喺星期三屯重兵,用冠軍級騎師押陣,務求盡快取得今季首場勝仗。不過,計出馬,以及馬匹喺谷草近績計,加上騎練合作成績等因素結合下,以何良能夠在週三谷草夜賽開齋機會最大。


何良週三出五匹,以近績及路程專長計,小弟最比較睇好第八場三班1200米的「天地人」。


這匹「重要證人」子嗣,初出道時只是跑沙田賽事,不過都未能走入前列。直到今年2月尾首次跑谷草1200米,就能跑到第四,及後出賽同程,合共取得2冠2亞3殿,谷草1200米上名率近6成,今次雖然潘頓做不到磅,換上莫雷拉,不過睇番何良同雷神合作的119磅以下馬由前季至今有11匹,取得1冠1亞2季3殿,前四名率超過六成。有騎練合作的優異表現,加上路有專長這兩大因素加持下,有能力替何良取得今季首場勝仗!



獨贏及位置精選


第八場 11號 天地人



By: 柏德烈


(Photo: Ramos)