• 競馬知舍

【柏德烈賽馬手記】六爺開齋要靠薛恩做神州福星

今個馬季已經完成了三個回合,仲有八位練馬師未開齋,當中包括六爺羅富全都是其中一員,令人感到有點意外,不過,過往兩季的9月,羅廄由頭季豪取5WIN,去到上季只得1WIN,令人不難想像到六爺的部署手法同11屆冠軍練馬師蔡約翰非常相似,可以說是嚴師出高徒。


不論怎樣,以六爺的練馬手法同蔡神仙有幾相似都好,始終都要向自己的馬主交代,才有更多高質素賽駒投放六爺麾下訓練。


聽日繼續在沙田有賽事,跑八草二泥,羅廄今次出六匹,能夠為六爺取得今季首個開門紅的,可能會係跑第一場四班1800米的「神州福星」。


這匹5歲法國自購馬,出道至今已出賽15次,仍然是三甲不入,不過今年暑假去了從化操練,回港前還試了一課閘,走勢悅目。值得留意的是,佢嘅同父馬「神亮金剛」上季尾初跑1800米都能交出頭馬,以這匹北半球自購馬的進度及在從化操練及試閘走勢,加上今次首次綁脷及由上仗用見習生陳嘉熙到今仗換上剛開齋的澳洲好手薛恩,在各項新元素加持下,有力替六爺開齋兼替此駒打開在港勝利之門!


獨贏及位置精選


第一場 5號 神州福星



By: 柏德烈


(Photo: HKJC)