• 競馬知舍

【柏德烈賽馬手記】苗禮德開齋靠雷神印銀紙

新馬季已經在9月1日喺一片歡呼聲中揭開了序幕,剛剛的星期三沒有賽事,要到嚟緊嘅星期日才有賽事舉行。當日除咗沙田的六場草地、四場泥地之外,另外會越洋轉播在韓國舉行的兩場泥地國際三級賽-韓國短途錦標及韓國盃,香港代表「豹子頭」今早抽到12檔出賽,應戰韓國短途錦標,另一匹香港代表「逍遙自在」抽到1檔出賽,出戰韓國盃。希望兩匹香港代表能夠為港爭光吧!


至於本地賽事,小弟今次揀咗第九場三班1200米泥地賽事,這場泥地高手唔算好多,以及今季首次跑泥地,小弟認為由苗禮德訓練,莫雷拉策騎的「銀紙」贏面最大。


這匹苗廄潛質優厚的新星,出賽唔多,至今只出賽6次,全數都跑入獎金名次,不入三甲的一次,就是草地1400米。泥地只是上季跑過一次1200米,在濕慢場地下跑獲一席亞軍,證明此馬的泥地性能比草地更佳,加上今次兩匹潛在泥地好手「酷比哥」及「好好利高」都各有缺點,以及此馬今次強配雷神莫雷拉,廄主對此馬高度重視,同埋季內初出成績特佳各項有利因素支持下,「銀紙」有能力在雷神加持下,為苗禮德打開今季勝利之門!


獨贏及位置精選


第九場 8號 銀紙



By: 柏德烈


(Photo: HKJC)