• 競馬知舍

【柏德烈賽馬手記】明月昇輝開韋達從練首WIN

各位知舍的朋友們,大家好!相信有喺知舍睇過我的賽事分析,都知道我上季係以Patrick這個筆名出文,今個新馬季我決定以柏德烈這個筆名出文,希望大家繼續多多支持!


今日就係新馬季開鑼的日子,亦都係十三屆冠軍騎師韋達首季以練馬師身份,繼續佢嘅賽馬生涯。作為佢嘅從練首戰,唔少馬迷都引頸以待。


韋達聽日派出7匹上陣,要搵邊匹最有機會成為韋廄首場頭馬,小弟認為第二場五班1200米的「明月昇輝」可以被睇高一線。


這匹「盡善盡美」子嗣,在港上陣20次,只獲2亞1季,成績不似預期,不過,無獨有偶,佢兩次跑獲亞軍的途程,就是草地1200米賽事。


「明月昇輝」在上季後期,經常交出較接近表現,走勢亦不俗,只是與頭馬無緣而已。暑假轉至韋廄後,多數由韋達親自操練,可見廄主對此馬的重視程度有多高。


值得一提的是,此馬首次上名的場次,係前季四班草地1200米賽事,證明這匹馬的評分,應該有大幅上升空間。加上今場賽事的高分馬各有缺點及不明朗因素的情況下,這匹馬雖然排了一個比較外的12檔,用上傷癒復出的貝力斯,不過以佢的草地1200米賽績較佳的情況下,有能力替韋廄取得首WIN兼打開其在港勝利之門!


獨贏及位置精選


第二場 13號 明月昇輝



By: 柏德烈


(Photo: HKJC)