• 競馬知舍

【Patrick】沙田送歲龍鳯情祥




前日星期三谷草送歲賽,幾乎係黃俊同莫雷拉的對碰局面,結果黃俊以四冠一亞力克雷神,成為騎師王,可喜可賀。


到今日星期六沙田送歲賽,見到排位表後,諗咗一陣,就揀咗第四場四班1200草地賽作為小弟的重心場次。


今次會比較睇好「龍鳯情祥」,雖然今季頭三仗的表現唔算太亮眼,亦無觀感,但去到上年年尾縮程1200兼用上新紮大師傅潘明輝,表現有如脫胎換骨,打開勝門。今個月12號再跑同班同程,再度贏馬而回,這兩次勝仗換來一共12分的加幅,仍可繼續在四班角逐,相當著數,加上今次的對手不算太強,三捷可期。


配腳方面,最先考慮的是前仗同跑第二的「大四喜」,贏佢嘅「英之友」喺啱啱星期日升班跑同程獲一席季軍,賽事水準唔差,今次回師田草C欄,再用黃俊兼有二檔位,三甲之選。


「連利福將」上仗初出跑以血統嫌短的田草1000輕勝而回,質素不俗,只會考慮到今次加程加磅兼外檔,難題頗多,不過潘頓繼續騎,不難走入一席。


「喜多樂」是這樣的初出馬之中,質素不俗的賽駒,在港試三次閘有兩次勝出,操足而臨,有望一出上名。


「鐵胆威龍」上場初上名獲一席第三,同場頭馬「龍鳯情祥」再出再贏,「嫡愛摰寶」再出加程都上名,反映該場賽事水準較高,今次唯一考慮係排外檔會否影響發揮。



第四場

4號 龍鳯情祥 WP


QT

4號 龍鳯情祥

2號 連利福將

6號 鐵胆威龍

9號 喜多樂

12號 大四喜


By Patrick Cheung

Photo: Ramos