• 競馬知舍

【Patrick】谷中送歲勝得精彩

聽晚跑馬地夜賽,除咗係狗年最後一次谷草夜賽,亦係十三屆冠軍騎師韋達嘅掛靴前最後一次谷草賽事,聽晚佢有三匹座騎,有「彪形鐵漢」、「軍民歡」同埋「加州更好」,希望佢聽晚能夠以贏馬作完美告別跑馬地吧!


而小弟的全日重心場次,會在第四場四班1200賽事。不過小弟喺呢場賽事揀馬都等咗好耐,全因等一匹後備補出,好有期待嘅蔡約翰的初出馬「勝得精彩」。


呢匹同新鮮出爐一級賽「爭分奪秒」同父嘅質新馬,來港前喺澳洲試閘,一次大勝而回,同佢一齊試閘嘅馬有部分已經在分級賽上名,來港後試閘四次,兩度勝出,最近仲要勝出谷草1200閘,操足而臨,兼且執到好檔位,有力一出即勝。


配腳方面,第一隻會考慮另一匹初出馬「彪形鐵漢」,呢匹馬喺香港同澳洲試閘各六次,當中兩次谷草試閘由韋達經手,準備充足兼有一檔,三甲之選。


上次轉馬房即打開勝門的「運才」,換來10分加幅,今次繼續用潘頓,人馬合拍,不難走入一席。


「玩斗福星」最近試過兩次谷草閘,走勢悅目並可走入前列,可以作配。


冷門方面,可以考慮上季曾勝同程的「指揮官」。雖今季四戰全敗,但評分已回落至上季贏馬水平,可搏反彈。



第四場

4號 勝得精彩 WP


QT

4號 勝得精彩

1號 運才

7號 彪形鐵漢

8號 玩斗福星

10號 指揮官


By Patrick Cheung

Photo cap from HKJC.