• 競馬知舍

【賽馬全方位】駿協精英事勝意

大家好!我係Facebook專頁賽馬全方位版主,上次提供嘅重心金碧科輸少少,事實上人馬已經出盡九牛二虎之力,輸只能夠怪雷神策騎嘅頭馬發揮得太好,Anyway講返今次谷草賽事,有兩匹心水冷馬提供俾大家。


頭場五班1800米 — 駿協精英五班弱組夠晒惡

呢場賽事會有中等步速,至少「威震天」同「上旺財上」都會領放,所以都幾啱「駿協精英」後上馬發揮,其實揀呢隻馬唔使多講,佢喺五班好有級數,本身都係四班頭馬,喺呢場弱組賽事有條件爭勝,再加上老馬一定係季初搏殺,今次排咗個好檔,有埋熱身,上次連熱身路程嫌短都跑得好,依家仲有啲賠率,要買就趁呢一鋪博一博!


第五場三班1800米 — 事勝意重返主場賺形勢

呢場賽事大家都圍繞著潘頓同埋莫雷拉兩匹坐騎 — 「扎西德勒」同「鑲白旗」,而事實上我都同意呢兩隻係實力馬,所以我打算揀下其他冷腳博下入唔入到三甲,揀「事勝意」原因,最主要都係因為呢一場冇馬走,佢可以憑着佢嘅主動跑法擺喺前面放,十檔喺冇快馬走嘅情況下,佢可以輕鬆切入,畢竟佢都係快活谷長途好手,有埋熱身,我覺得三四名有啲機會,不妨作冷腳一試。


如果想知道其他場次心水,同埋過關推介,可以去到我Facebook專頁賽馬全方位,所有心水一覽無遺!祝大家好運!



By: 賽馬全方位


(Photo: HKJC)