• 競馬知舍

【賽馬全方位】嘉應風采金剛之星主動出擊

大家好!我係Facebook專頁賽馬全方位版主, 上次賽事推介原本20幾倍嘅冷門奬進,可惜被臨場大戶落注,最後得返唔夠10倍入Q,猶同俾人打劫,希望今次推介嘅兩匹冷門可以繼續幫大家贏錢!


第5場4班1400米 — 10「嘉應風采」

呢場賽事預料會有慢步速,基本上冇乜馬走,所以今次我揀咗「嘉應風采」作為冷門之選,呢隻馬上季喺同班同程一放到底勝出,當時佢就係賺咗一個相當慢嘅步速,之後佢表現冇乜突破,或多或少同佢排外檔放唔出有關係,上仗季內初出,又係排左外檔,前面有好多放頭馬走,再加上試閘曾經展現後上能力,所以留住嚟跑,但係表現一般,今次雖然繼續排外擋,但係要留意番呢場賽事無馬走,佢出閘可以即刻切入貼欄放頭,可以沿用番上季贏馬跑法,擺返前面走,相信可以賺慢步速,同埋B+2欄利前領跑道形勢,取得三甲。


第7場3班1650米 — 6「金剛之星」10「威利熱流」

今季泥地賽事跑左好幾次,跑道形勢都係對於一啲中置型同前領馬有着數,尤其近日天朗氣清,陽光普照,聽日場地應該會乾快,踢起嘅泥頭相信亦都比較多,所以我係呢場賽事揀返擺前面走嘅「金剛之星」,呢隻馬係比較均速,佢唔係一啲加速好強嘅馬,一定要把握頭段擺喺前面領放,甚至要放快啲,先至可以搏走甩,同埋有啲馬同佢走下反而會激起佢嘅鬥心,上次陳嘉熙雖然放得好慢,但係唔啱佢均速嘅跑法,結果返到嚟比後面啲馬追過晒,發揮上嘅錯漏令到敗績不足為據,今次排外檔,早段一定力策切入放頭走,內側應該有「鵰神」同佢一齊走,形成一個中等偏快步速,相信會更啱佢發揮,冷門位置可以留意!另外同場仲有一隻冷門「威利熱流」,現時評分有利,亦都可以兼顧。


如果想知道其他場次心水,同埋過關推介,可以去到我Facebook專頁賽馬全方位,所有心水一覽無遺!最後祝大家好運!



By: 賽馬全方位


(Photo: Ramos)