• 競馬知舍

【賽馬全方位】韻妙星獎進有冷機

大家好!我係Facebook專頁賽馬全方位版主,今次嘅賽事跑A+3賽道,10場草地賽事,當中包含兩場國際三級賽上演,戲碼相當豐富,而今次我將會推介兩匹冷門心水比大家,希望可以幫大家贏到錢!


第五場四班千四米 — 韻妙星

呢場賽事預料會有偏快步速,「發財寶」、「鑽得旺」同埋「話晒事」三匹領放馬匹應該都會快放,所以可吼中置型後上馬,「韻妙星」可以作冷門之選,呢隻馬喺四班幾有級數,評分有優勢,超過1200磅嘅大隻馬,出腳唔會太流暢,所以跑返沙田大場應該會好跑好多,雖然今次配上弱勢騎師,跑千四亦都嫌短,但係今次對手唔強,步速應該會偏快,形勢上有利呢匹馬發揮,三甲大家可以預番佢!


第八場三班千二米 — 奬進

呢場賽事預計快放馬少,步速唔會快,甚至可能會偏慢,可以博下呢隻「獎進」,上季呢隻馬第三次出賽三歲馬已經喺快活谷贏千二米,以質新馬黎講難度唔低,直至上季去到三班千二米依然可以憑着上乘的速度快放入Q,只係上季最尾個一場快放末段力弱得第七,D新馬有時候演出會比較波動,唔代表佢嘅能力已經見盡,照計呢啲馬可以喺方嘉柏馬房咁快有表現點都有一定質素,四歲馬相信會繼續有進步空間,今場賽事冇馬走,相信排左2檔,出閘快嘅話可以擺喺前面走,A+3 賽道一向利擺前面走,呢場賽事如果俾佢操控左一個慢步速,係對手唔強嘅情況下絕對有權偷襲成功,冷門呢隻要留意!


上次冷門心水成績麻麻,希望今次有斬獲,提提大家嚟緊跑國慶賽馬日,三T同埋六環彩有多寶,10場賽事,頭場開跑時間13:00,祝大家好運!



By: 賽馬全方位


(Photo: HKJC)