• 競馬知舍

【阿Fi隨筆】泥地夜宴 有得揀可唔可以唔去啊?

對上個賽日筆者抱住一個觀摩既心態入場食餐飯,同行既其中一位前輩抽到籤去「拉頭馬」,而其團體內部既群組都講到機會十分大,所以呢幾位前輩都各自買左張2x3既過關飛「支持下」,不過唯獨是筆者我就無投注落去。幾位前輩當然摸不著頭腦,而我又唔識趣地講左個原因出黎 ー 「因為有其他更好更抵買既馬」,最後鞍上人「暴風俠」先生使出無限車輪鞭都只能夠輸少少跑第二 。有時候跑馬部署心意同贏馬係兩回事,唔可以因為咁樣盲目投注。


而今個賽日就移師到泥地作賽,對筆者個人黎講就「唔買好過買,要買都要小買」,不如專心研究下個賽日好過,不過筆者提供一隻第四場既備忘馬「星日名駒」俾大家小試牛刀,上場外疊望空跑但輸得唔太遠,今場如果出閘順利埋到黎應該可以有好成績既。


阿Fi賽日備忘馬

第四場 12 星日名駒


Photo: HKJC