• 競馬知舍

【阿Fi隨筆】各有千秋取捨難 紅運戰士放冷箭


Photo: Ramos


打開排位表,有一匹馬既馬名令到筆者目不轉睛,唔知道係咪因為筆者喜歡武俠小說既緣故令我更深印象 。 「任我行」 - 係一個幾有意思既名亦同時係武俠小說 「笑傲江湖」既其中一位主要角色之一,而剛過去既賽日「韋小寶」亦喺快活谷上陣 ,此外仲有獨孤九劍傳人風清揚「正陽清風」與及 「正氣凜然」既岳不群,馬場瞬間變成另一個戰場。文字呢樣野博大精深,無論幫人定幫馬改既名都帶有唔同既意思亦同時反映出果個人既心態,以「事事為王」呢件綵衣系列做例子,旗下馬既馬名離唔開「錢」字,符合其「土豪」形象。而「比卡超」系列既綵衣就有唔少小朋友鐘意既卡通人物 ー 由比卡超進化而成既「雷超」、另一位同比卡超一齊並肩作戰既拍擋「噴火龍」,同埋好快既「閃電王」麥昆,小朋友話哂事既馬名只有出自萬千寵愛在一身既家庭。如果筆者擁有有隻馬要改名的話,我諗我會毫不猶豫選擇「隨風而去」 (Gone with wind) ー 唔係皆大歡喜咩?


而今個賽日筆者就推介一匹打吡冷門「紅運戰士」做心水 ,雖然長期於谷草作戰贏馬,但始終陣上經常對住較為年長既中長途馬,水準有保證,而且轉場地只係代表換左對手,單T四重彩邊可以唔諗呢匹冷馬?


阿Fi精選推介


第三場 12 綠尚飛馳 第八場 7 紅運戰士

Photo: Ramos