• 競馬知舍

【阿Fi隨筆】醉醒神 酒醒不再醉




喺賽馬賽車以及賽艇呢幾項運動之中, 個人除左需要唔錯體能之外亦都需要一瞬間「判斷能力」,賽事中每一個大小判斷所做成一連串既蝴蝶效應(Butterfly Effect)就係整個賽事既勝負關鍵,亦都因為呢個原因我地「做功課」既時候要作出小小假設 – 「如果隻馬出閘快番d跟前d會唔會跑好d?」「唔等入面早d望空會唔會衝得更好呢?」以筆者慣常做法就會睇埋餘勢同分段時間去判斷到底呢d「事件」會做成正面定係負面影響,因為一場賽事需時唔長所以「容錯率」會較低(因為時間唔足以去修正/減低因為意外/判斷錯誤所帶黎既影響),「邊個錯得少邊個贏面高」呢句話其實好合理。


今個賽日筆者就推介第四場既「醉醒神」,上仗出閘情況未如理想,而走位完全係錯到離哂大譜,落後太多連畫面都捕捉唔到呢匹馬,最後直路上既衝刺甚多。筆者認為上場呢匹馬既表現係「獨孤求敗」級,名符其實真係「求敗」,而今次冷位置四連環四重彩腳絕對唔可以忽視。


阿Fi冷之選


第四場 13 醉醒神

第十場 6 太陽旺旺


Photo: HKJC