• 競馬知舍

【阿Fi隨筆】Please don’t forget 易勝相吸




無論食材再好、配料再好甚至環境再好都唔一定煮到一碟好食既野,一個好既廚師可以「化腐朽為神奇」ー 將所有食材昇華到另一個層次,而一個略為普通既廚師就可能只可以做出「不過不失」既菜式,兩者之間除左日積月累既經驗有所不同之外,心態亦有分別。過去果個賽日就係一個分辨「好」與「壞」既最佳例子,同一個騎師跑兩場一樣既距離賽事,兩匹馬早段都剛剛好係留後,但一隻選擇入直路先發力而另一隻就中段發力......結果大家都有目共睹,筆者就唔多講啦!而另一位騎師雖然兩匹熱門都因為排檔問題而早段三疊望空嚴重蝕位,但最後兩隻馬都睇得出此君用心發揮,輸係一件事但至少有試過跑俾大家睇。所以唔難解釋到點解某騎師同「最受歡迎騎師」永遠都係「這麼近那麼遠」。


而今個谷草夜賽筆者揀左頭場既「易勝相吸」,呢隻三歲馬其實初出一戰雖然三疊蝕位直路左片右片但略為有衝刺,而上場五班直路賽騎師跑法似操馬多過跑馬,但最後三百見到衝刺有進步,睇番資料呢匹馬一隻偏早熟既短途馬,相信俾d時間成長同適應就絕對有更好既成績!有質既冷之選點可以錯過?


阿Fi投注推介

第一場 2 易勝相吸 WP

第二場 2 靈鋒 WP


Photo: HKJC