• 競馬知舍

【阿Fi隨筆】事勝意 意頭好且好分頭




聽日係十三屆冠軍騎師韋達從騎最後一個賽日,相信唔少朋友都會投注「支持」下,但如果只係單純地「為支持而投注」,欠缺獨立理性分析的話只有得出「焦頭爛額」既結局。「十三少從騎最後一日」係一個必然會發生既事實,而「會有好表現(特別積極)」只係一個大眾傾向(非理性)想法,反而最重要既係「馬匹能力」 ー 一匹能力唔高既馬就算積極到有101分發揮都未必贏到其他對手。(唔通因為我特別積極就可以一隻手舉起架巴士?唔得就係唔得架啦!) 所以贏係一件事、最後一日係另一件事,唔可以混為一談。


今個賽日筆者推介第三場既「事勝意」,識途老馬刻意回足一個月先黎跑呢場賽事,雖然黃俊無得跑但換上減5磅既巫顯東,長途負輕磅絕對有能力同其他對手「打硬仗」。同場對手「與龍共舞」偏熱而且練者功力有限,可能同廄侶「五十五十」 一樣贏完就斷纜行人止步、「傑彩繽紛」上場大熱守好位卻不敵健康本身有問題既「信心保證」但今場亦成為熱門之一,雖然血統上可應付到2000米但只適宜做配腳。


阿Fi投注推介

第三場 7 事勝意 WP

第九場 10 瑩之光 WP


Photo cap from HKJC.