• 競馬知舍

[阿Fi隨筆] 黑暗過後便是陽光大地

分析一場賽事除左要參考一堆參戰馬既數據之外,筆者亦會嘗試預測下各馬匹既跑法同走位從而去製作出一個「走位計分表」套用落本身計算好既「計分表」。由於香港賽事中低班馬比較多,好多時候馬匹跑得好蝕得少就順理成章地有較好表現,所以分析既時候唔可以只睇紙上既賽績就算數。


以黎緊既全泥夜賽1650米賽事做例子,外檔放頭/前置馬第一步需要入第一個彎前埋到欄/2疊既靚位先叫無咁蝕(***沙田場地由於彎位大所以外疊馬蝕位比快活谷多,2疊約蝕四分之三馬,3疊大約個半馬位)。困難之處如果早段為埋好位搶太快就埋唔到尾,搶唔出就要蝕好多馬位,呢個情況就算大師傅都唔容易做到,何況見習生呢?曾經記得有一位馬圈朋友講過 「外檔牌仔就盡量唔好買,但落重飛除外!」– 或者有其道理既。


而今個賽日筆書就揀左第三場既「陽光大地」,上仗泥地不幸排十一檔結果早段要用力切入內側,第一個彎位已經要處於外疊蝕唔少馬位,去到最後二百先至力弱,呢個第四其實算係唔錯。上次賽後一個月再戰同程而排得二檔,相信係一個唔錯既機會,希望到時唔會太熱啦!


**註解:每轉一次彎計蝕位


阿Fi投注推介

第三場 9 陽光大地 WP

第六場 1 金如意 WP


Cover photo cap from HKJC.



陽光大地 (Photo: HKJC)