• 競馬知舍

[阿Fi隨筆] 大賽過後花凋零 世事豈能盡人意

香港賽事既評分制度往往都令人難以理解,評分加減既標準都幾有香港政府既Style ー 「龍門任你擺飄移境界」,所以有部分練馬師好識「善用」呢個制度去部署出擊。假設有一匹外地成績普通既自購馬插三班或四班作賽,由於馬匹所需要適應時間有長有短,經過短時間操練及試閘之後就會出賽試馬(順手減分),當然呢個期間會偶爾因為d意外/場地影響而跑近「走光」加分,期間操練並唔會太多太壓迫性。但當去到「射程範圍」之後就會開始正常做功夫,會稍為有壓迫性既操練拍跳及出賽,由於只要唔贏太遠加分幅度就唔會太多,所以會出現低班幾連捷既馬。如果由練馬師同馬主角度出發呢招其實長玩長有 ー 又多頭馬拉又多獎金,雖然呢招並唔係萬試萬靈但唔少馬房都樂於用呢一招,只不過對整體賽事水準會做成一個惡性循環(對投注者而言亦唔係一件好事)。


今個賽日筆者就推介第五場既「迢迢千里」,上季尾已經喺田草1600上名而今季兩場唔算太差,4歲馬今次轉場谷草1800對手唔同左既情況下負輕磅唔可以睇少(田草谷草路程轉換出擊好常見),冷門位置唔買就走寶。至於另一隻推介馬「夢幻仙子」今場換左人減磅又好分左,一於俾多次機會啦!



阿Fi投注推介


第五場 12 迢迢千里 WP 第七場 1 夢幻仙子 WP



迢迢千里 (Photo: HKJC)