• 競馬知舍

[阿Fi隨筆] 來去之間 又回到最初的起點

仲有半個月就踏入十二月,除左一年一度既大賽日之外亦係時候睇下自己喺2018年既目標達唔達成到 ー 當然十居其九都係做唔到啦!筆者最近睇左本書《完成 − 把不了了之的待辦目標變成已實現的有效練習》,睇之前我都無諗過原來我地訂既目標「太完美」反而令自己做唔到而放棄。因為我地好多時候會因為只做到一半甚至四份一就將自己既「heart」慢慢磨滅,但問題係點解我地寧願「All or none」都唔願意接受不完美呢?


莫雷拉去日本發展既目標就暫時做唔到所以下個月回歸,不過坦白講佢既回歸未嘗唔係一件好事。雖然熱門賠率會更為乏味但其他冷門就會相應好分而值搏左,對於筆者呢種追求值搏既投注者卻多左唔少機會。


今個賽日筆者揀無好揀既情況下就唯有推介幾隻備忘馬俾大家(因為筆者我極度唔希望為揀而揀無計過數就拎出黎俾大家參考)。


阿Fi備忘之選


第二場

4 黃埔之星 – 上季三班泥地近過今場落班轉配備有冷門機會,只怕騎果個舞唔掂

12 陽光大地 – 近仗騎師發揮未合水準,上場有餘勢加程換人諗得過,11檔難搞但可以換黎好賠率


第八場

3 翩翩 – 雖然初出但唔好忘記當年「精彩日子」點贏,有質可以跑入一席


第九場

13 大風暴 – 雖然谷草三班負頂磅輸少少而升班,但輕磅大摩加蔡明紹冷門濃,如果場地利前置就一定要預埋佢


大風暴 (Photo: Ramos)