• 競馬知舍

2019 有馬紀念賽轉播賽日心水 (內附各場心水)

今年最後一個轉播賽日——有馬紀念賽賽日,今年出乎意料地有多匹一級賽挑戰呢項2500米一級賽,畢竟個個諗住避戰「杏目」(Almond Eye,アーモンドアイ)而唔跑日本盃,心諗你都係日本盃同香港盃二揀一。點知一場發燒,打亂曬其他馬既部署,突然要對「杏目」。不過對馬迷就絕對係好消息,因為呢場既參賽馬陣容相當有年終賽既味道,亦都係近年最豪華既陣容。


其他場次中,當地第九場(S1-R4)既「空中因子」(Air Gene,エアジーン)會較突出。呢匹三歲馬今年兩次挑戰級際賽都未能成功。上場出戰番兩勝Class,只係第三名衝過終點。然而呢匹「無敵先鋒」既子嗣於1800米及2000米贏馬,今次回師番千八米絕對值留意。


另外當地第七場(S1-R2)既泥地1800米一勝Class賽事,屬於混戰之局。個人較喜愛排在最外檔既「穿越時空」(Fly All Days,フライオールデイズ)。早年未能贏馬及受傷被逼出走門別,由當地低組別贏到A2 Class先轉番黎中央。上場第一次出戰泥地即有好表現,跑法主動既佢排係外檔唔需要擔心。臨場有賠率不妨留意下。




Cover Photo: Netkeiba


372 次瀏覽