• 競馬知舍

超之選20210523

今期沙田日賽將會上演香港三冠系列尾關,亦係季內最後一項一級賽遮打盃。原先眾人都會期望「金鎗六十」會唔會挑戰成為三冠馬王,但隨著佢決定避戰呢項一級賽,相信大家都會將焦點轉到上屆馬王「時時精綵」身上,皆因「時時精綵」今季仍未一勝,而且風頭亦明顯被「金鎗六十」蓋過,上次女皇盃表現亦都未如理想,都令馬迷會關注佢今次可唔可喺首本路程重振雄風;另外,香港瓶季軍「時時有餘」近仗表現一般,而上場皇太后紀念盃際遇亦非理想,今次交返俾香港瓶拍擋莫雷拉,如果跑得返香港瓶嘅表現,都好有可能反先「時時精綵」,從而幫莫雷拉實現大滿貫。